დარგვის პირველსა და მეორე წელს ვენახს ისე უნდა მოვუაროთ, რომ ვაზის ფესვთა სისტემა და მიწისზედა ნაწილები მძლავრად განვითარდეს, რაც უზრუნველყოფს მის დაჩქარებით ფორმირებას, მსხმოიარობაში ადრე შესვლას და შემდგომში ყურძნის რეგულარული მოსავლის მიღებას.

    გაშენების პირველ წელს განსაკუთრებული ყურადღება უნდა მიექცეს ნიადაგის დამუშავებას, კოკოლების გაფხვიერებას, სარეველების წინააღმდეგ ბრძოლას, ვაზის დაცვას სოკოვანი დაავადებებისა და მავნებლებისაგან. ადრე გაზაფხულზე ნიადაგი უნდა გაფხვიერდეს 10-12 სმ. სიღრმეზე. ყოველი წვიმის შემდეგ კოკოლები უნდა განახლდეს. ივლისის ბოლოს კოკოლები იხსნება. სარწყავ რაიონებშჳ ვენახი ირწყვება 2-4 ჯერ.

    სამუშაოს გაიოლების მიზნით მეორე წელს ვაზს უდგამენ ხის ბოძებს და ააკრავენ ხოლმე მასზე ნაზარდებს, მესამე წლიდან კი ვაზი უკვე მსხმოიარობაში შედის.