გვერდი მუშავდება...

შოტლანდიური ვისკი

წმინდა ვალენტინობის დღესასწაულის წინ კომპანია Balvenie-მ ახალი ექსკლუზიური ერთალაოიანი 16-წლიანი დაძველების ვისკი "როზა ბალვენი" შემოგვთავაზა. ეს ვისკი შეზღუდული რაოდენობით გამოუშვეს - მხოლოდ 426 ბოთლი, თითო ბოთლის ფასი 100 ფუნტია.
ვისკის შექმნის იდეა რომანტიკულ ისტორიას ეფუძნება ახლა უკვე ნანგრევებადქცეული ბალვენის კოშკისა და მის ჩრდილქვეშ აშენებული პატარა სახდელის შესახებ, რომელიც მე-15 საუკუნეში ეკუთვნოდა ლამაზ ქალბატონ მარგარეტ დუგლასს.
ამჟამად, დამზადების ბოლო სტადიაში ვისკის აჩერებენ პორტუგალიური პოტვეინის კასრებში, ამის გამო ვისკი ნაზ ვარდისფერ შეფერილობას ღებულობს. ქარხნის კუპაჟების ოსტატი დევიდ სტიუარტი ამბობს, რომ ვისკის ოდნავ ტკბილ გემოს, ქიშმიშის, გარგარისა და ციტრუსების ტონებით, ვარდის ფურცლების არაჩვეულებრივი არომატიც ემატება. "როზა ბალვენი" ჩამოსხმულია ბოთლებში, მისი სიმაგრე 53,4%-ია. არ გადის ცივ ფილტრაციას.

© „მარანი“

სამეფო კარის ვისკი

2007 წლის 27 დეკემბერს 1896 წელს შექმნილმა შოტლანდიურმა ვისკიმ The Famous Grouse კვლავ მიიღო ოფიციალური სამეფო ნებართვა. ნებართვის მიხედვით სამეფო კარს სწორედ ამ სასმელით მოამარაგებენ. ნებართვა ძალაშია 5 წლის განმავლობაში, 2013 წლამდე.
პირველად ეს პატივი ვისკის 1984 წლის 1 იანვარს ერგო. სამეფო ნაბართვა საუკეთესო ხარისხის ნიშანია და ბრენდებს სამეფო გერბის გამოყენების უფლებას აძლევს.
დღესდღეობით The Famous Grouse შოტლანდიის ნომერი პირველი ვისკია. გასულ წელს მისი გაყიდვების მოცულობა 3,4%-ით გაიზარდა და 30 მილიონი ბოთლი შეადგინა.

© „მარანი“

ვისკი დაუჯერებელ ფასად

დიდ ბრიტანეთში ერთი ბოთლი ვისკის ღირებულების მსოფლიო რეკორდი მოიხსნა. 29 ათას ოთხას გირვანქა სტერლინგად "ბოუმორის" მარკის ვისკის ბოთლი უცნობმა მყიდველმა აუქციონზე 29 ათას ოთხას გირვანქა სტერლინგად შეიძინა. ეს სასმელი 1850 წელს არის ჩამოსხმული. შოტლანდიის სახელგანთქმულ კუნძულ აილიზე. ვისკის თავდაპირველი ფასი 15 ათასი გირვანქა სტერლინგი იყო. ყველაზე ძველი ბოთლისთვის აუქციონზე დიდი ბრძოლა გაიმართა. ანონიმმა მყიდველმა, რომელმაც საბოლოოდ 160-წლიანი დაძველების სასმელი ჩაიგდო ხელში, აუქციონში ტელეფონით მიიღო მონაწილეობა.

© „მარანი“